استانادا وتەتىن «قانداي زەينەتاقى الاتانىڭدى ءبىل» اتتى اكتسياسى بارىسىندا كەز-كەلگەن قالا تۇرعىنى وسى ماسەلەگە قاتىستى كوكەيىندە جۇرگەن ساۋالعا ناقتى جاۋاپ الۋعا مۇمكىندىگى بولماق.
اكتسيانى ەڭبەك, الەۋمەتتىك قورعاۋ جانە كوشى-قون كوميتەتىنىڭ استانا قالاسى بويىنشا دەپارتامەنتى «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامى استانا قالاسى بويىنشا فيليالى — «الەۋمەتتىك تولەمدەردى ۆەدومستۆوارالىق ەسەپتەۋ ورتالىعى» دەپارتامەنتىمەن بىرىگىپ اعىمداعى جىلدىڭ 18 قىركۇيەك پەن 30 قىركۇيەك ارالىعىندا وتكىزەتىن بولدى.
وسى اكتسيا بارىسىندا قالا تۇرعىندارى ءار سەيسەنبى جانە بەيسەنبى كۇندەرى ساعات 10:00-دەن ساعات 12:00-گە دەيىن سول جاعالاۋ, دوستىق, 13 كوشەسى مەكەنجايى بويىنشا ورنالاسقان الەۋمەتتىك تولەمدەردى ۆەدومستۆوارالىق ەسەپتەۋ ورتالىعىنىڭ الماتى اۋدانى بويىنشا بولىمشەسىندە دەپارتامەنت جانە مەملەكەتتىك كورپوراتسيا ماماندارىنان زەينەتاقىمەن قامسىزداندىرۋ ماسەلەلەرى بويىنشا كەڭەس الا الادى